ბიბლიოთეკა განსაკუთრებული სამყაროა,
სადაც თავმოყრილია სხვადასხვა საუკუნისა და ხალხთა წიგნები.

ბიბლიოთეკის ამოცანაა წიგნიერების სივრცის გაფართოება და გამრავალფეროვნება. ჩვენ ორი ბიბლიოთეკა დავაარსეთ: საპატრიარქოს თამარ მეფის უნივერსიტეტისა და ასევე წმინდა თამარ მეფის სახელობის მონასტრისა. კვლავაც დავაარსებთ!!! ასე გვაქვს განზრახული! 

ამ სამიოდე წლის წინ კი თანადგომა გთხოვეთ, რასაც შედეგად მოჰყვა ბევრი საინტერესო შენაძენი ორივე ბიბლიოთეკისათვის.

ისევ მოგმართავთ, რადგან, სამწუხაროდ, ისევ ვართ მოწმენი იმისა, რომ წიგნებს ჩვენში ყოველთვის არ უვლიან, არ ინახავენ სათანადო პირობებში, არ უფრთხილდებიან... გთხოვთ გამოიჩინოთ კვლავ ჩვეული გულისხმიერება, ყურადღებით დააკვირდეთ იმ გარემოს, სადაც ცხოვრობთ, მუშაობთ, მიდიხართ სტუმრად ან, უბრალოდ, გიწევთ ყოფნა. დააკვირდით, რათა იპოვოთ წიგნები, რომლებიც თქვენ უნდა გადაარჩენოთ !!!

ხშირად სახლისა თუ ოფისის „პრესტიჟულ“ ადგილებზე მოთავსებული წიგნის თაროების მიღმა არსებობს სარდაფებში, საკუჭნაოებსა და სათავსოებში გადასახლებული არაჩვეულებრივი წიგნები, რომელთაც არანაირი დანაშაული არ მიუძღვით, მაგრამ აქ აღმოჩნდნენ იმის გამო, რომ „დაბერდნენ“, გაცვთნენ, დაკარგეს ახალგაზრდული პეწი და ბრწყინვალება, აღარავის სჭირდება ისინი, არც მათი დამფასებელი გამოჩნდა... ამასთან, საზოგადოებრივი ასპარეზიდან წავიდნენ, უცხოეთში გადაიხვეწნენ, გარდაიცვალნენ ამ წიგნების ნადვილი მეგობრები, მათზე შეყვარებული ადამიანები, პატრონები, შემგროვებლები, ავტორები, რედაქტორები, პერსონაჟები...

მოდით, ახლა ჩვენ გავხდეთ ამ წიგნების ნამდვილი მეგობრები, პატრონები, ახლობლები და ნათესავები და დავაბინავოთ ისინი ბიბლიოთეკებში! გადავარჩინოთ ენციკლოპედიური და საინფორმაციო, სანოტო და სამეცნიერო, მხატვრული და პუბლიცისტური, ბიოგრაფიული და შემოქმედებითი, პერიოდული და სერიული (მრავალტომეული) გამოცემები!!!

კიდევ ერთხელ მოგმართავთ:

გადაარჩინო წიგნი – ეს ქვეყნისა და ეკლესიის
სიყვარულის გამოხატულებაა!

ნუ გადადებთ ამ საქმეს!

ხვალ შეიძლება გვიან იყოს!

თქვენ ხომ ისინი სულმოუთქმელად გელოდებიან!

გაუწოდეთ დახმარების ხელი!

ჩვენ კი წიგნებით ხელდამშვენებულებს დაგელოდებით!!!

წიგნები ბინას ჩვენს ბიბლიოთეკებში დაიდებენ.

წიგნები შეიძლება ნებისმიერი შინაარსისა და "ასაკის" იყოს, ნებისმიერ ენაზე. ძველი სასკოლო სახელმძღვანელოებიდან და ჟურნალებიდან დაწყებული ენციკლოპედიური გამოცემებითა და ალბომებით დამთავრებული; შეიძლება თქვენს ოჯახებში ძველი ფოტოები, წერილები, ხელნაწერები, რუკები, აფიშები, კალენდრები, ნოტებიც აღმოაჩინოთ...

მიმართეთ ვერის პარკში, ქიაჩელის ქუჩის ბოლოში მდებარე იოანე ღვთისმეტყველის ტაძრის მესაკურთხევლეს პაატა გელოვანსა და ჩვენი ტაძრის სხვა თანამშრომლებს (ტელეფონები ქვემოთაა მითითებული)!

თამარ მეფის უნივერსიტეტს მისამართზე – დიმიტრი უზნაძის 68.

თამარწმინდას – სოფელ შინდისის დედათა მონასტერს!

თქვენი და წიგნების სიყვარულით
მამა ადამი

ჩვენი ტელეფონებია:

  • 577 733 555 მამა ადამი
  • 593 30 70 46 გია
  • 595 25 77 11 კოტე
  • 577 77 21 12 ირინა
  • 551 21 52 15 ნატო
  • 593 74 38 52 ბორისი
  • 551 55 22 49 კახა
  • 599 63 16 63 ლანა
  • 557 00 40 92 ლია
  • 595 31 86 74 დედა ქიონია
  • 593 53 23 76 ნანა
  • 597 39 29 13 პაატა

აკადემიკოსი ეთერ ქემერტელიძე ღვაწლმოსილი ფარმაცევტის
მედლით დაჯილდოვდა

აკადემიკოსი ეთერ ქემერტელიძე ქართულ ფარმაციაში შეტანილი წვლილისთვის, ღვაწლმოსილი ფარმაცევტის მედლით დაჯილდოვდა. ა ეს ჯილდო ქართული ფარმაციის ისტორიაში პირველად, ქალბატონ ეთერს გადაეცა. ჩვენი უნივერსიტეტის აკადემიური საბჭო, ადმინისტრაცია და პროფესორ მასწავლებლები ვულოცავთ მას ამ  დიდ ჯილდოს , მისი საქმიანობის  დაფასებას და აღიარებას.  ვუსურვებთ დიდხანს სიცოცხლეს და ჯანმრთელობას.

თამარ მეფის უნივერსიტეტი გახდა ევროკავშირის
ორგანიზაციის ევროპული კომისიის წევრი 

2017 წლის 2 თებერვალს ევროკავშირის ორგანიზაციის ევროპული კომისიის განათლებისა და კულტურის დირექტორატმა თამარ მეფის უნივერსიტეტი დაარეგისტრირა სრულუფლებიან წევრად საიდენტიფიკაციო კოდით PIC: 914026442.

ჟამისწირვა ვარშავის წმინდა მოწამე 
გრიგოლ ფერაძის სახელობის ეკლესიაში

6 დეკემბერს ვარშავის წმინდა მოწამე გრიგოლ ფერაძის სახელობის ეკლესიაში აღსრულებულ სარმრთო ლიტურგიას სრულიად პოლონეთის მიტროპოლიტის უნეტარესი საბას ლოცვა-კურთხევით უძღვებოდა საქართველოს საპატრიარქოს ჯანდაცვის დეპარტამენტის თავმჯდომარე, ვარშავის უნივერსიტეტის წმინდა გრიგოლ ფერაძის სახელობის საერთაშორისო პრემიის ლაურეატი, თბილისის იოანე ღვთისმეტყველის სახელობის ტაძრის წინამძღვარი არქიმანდრიტი ადამ ახალაძე. 

იხ. სრულად

slogani lurjze gold